ৰঙিয়া মহকুমাত বি জে পিৰ অগ্ৰগতি

ৰঙিয়াঃ সমগ্ৰ ৰাজ্যৰ লগতে ৰঙিয়া মহকুমাটো আজি পুৱাৰ  আৰম্ভ হোৱা পঞ্চায়ত নিৰ্বাচনৰ ভোট গণনাত প্ৰথম ৰাউণ্ড অন্তত কেইবাখনো পঞ্চায়তৰ সভাপতি আৰু আঞ্চলিক সদস্য পদৰ প্ৰাৰ্থীৰ নিৰ্বাচনী ফলাফল লাভ কৰিবলৈ সক্ষম হৈছে।

ৰঙিয়া মহকুমাধিপতিৰ কাৰ্যালয়ত অধিক পলমকৈ ৰঙিয়া আৰু কমলপুৰ সমষ্টিৰ বাবে  অনুষ্ঠিত হোৱা ভোট গণনা অধিক পলমকৈ আৰম্ভ হোৱা পৰিলক্ষিত হয়। প্ৰথম ৰাউণ্ডৰ অন্তিম মুহুৰ্তত ইতিমধ্যে লাভ কৰিবলৈ সক্ষম হোৱা প্ৰাৰ্থীসকলৰ ভিতৰত কমলপুৰ সমষ্টিৰ মদাৰতোলা জিলা পৰিষদৰ অধীনৰ বৰডেকপাৰ গাঁও পঞ্চায়তৰ সভাপতি পদত বি জে পি দলৰ  দীপক শৰ্মা আৰু আঞ্চলিক সদস্য পদত বি জে পি দলৰ দীপালী মহন্ত ডেকা জয়ী হৈছে।