বড়োলেণ্ডৰ দাবীত এবছুসহ তিনি সংগঠনৰ প্ৰতিবাদ

ওদালগুৰিঃ “আমি জিকিব নোৱাৰিলেও কাৰোবাক হৰুৱাব পাৰো। সময় থাকোতে চৰকাৰখনে পৃথক বড়োলেণ্ডৰ সমস্যা সমাধান কৰক।” এই সকিয়নী এবছুৰ সভাপতি প্ৰমোদ বড়োৰ। পৃথক বড়োলেণ্ডৰ দাবীত সোমবাৰে উত্তাল হৈ পৰিল ওদালগুৰি উপায়ুক্ত কাৰ্যালয়ৰ সন্মুখ। 

এবছু, এন ডি এফ বি(পি)আৰু পিপল জইন্ট একচন কমিতিয়ে বড়োলেণ্ডৰ দাবীত আজি ওদালগুৰি উপায়ুক্ত কাৰ্যালয়ৰ সন্মুখত  ধৰ্নাৰে পৰিৱেশ উত্তাল কৰি তোলে। এবছুৰ সভাপতি প্ৰমোদ বড়োৱে বড়োলেণ্ডৰ লৈ সৰব হৈ পৰা দেখা যায়। লগতে তেওঁ বৰ্তমানৰ কোকৰাঝাৰ লোকসভা সমষ্টিৰ সাংসদ নৱ শৰণীয়াক ক্ষুৰধাৰ সমালোচনা কৰে। সাংসদ গৰাকীয়ে পৃথক বড়োলেণ্ডৰ বিৰুদ্ধে দিল্লীত মাত মাতি থকাৰ অভিযোগ উত্থাপন কৰে বড়োৱে।