96
গুৱাহাটীঃ সাত দিন। মাত্ৰ সাত দিন সময় বান্ধি দিলে সৰ্বানন্দ সোণোৱালক। এসপ্তাহ তেওঁ বাহিৰত আছে। এইকেইদিনো নীৰৱ হৈ থাকিলে অসমলৈ আহি তেওঁ কি কৰে তাৰ কোনো ঠিকনা নাই। ছ’চিয়েল মিডিয়াযোগে মঙলবাৰে জাতি ধ্বংসী নাগৰিকত্ব সংশোধনীৰ বিধেয়ক সন্দৰ্ভত মুখ্যমন্ত্ৰী সৰ্বানন্দ সোণোৱালক সৰ্বাদা সম্বোধনৰে এইদৰে সকীয়াই দিছে জুবিন গাৰ্গে।
‘বহুত কোৱা হ’ল। এবছৰ-দুবছৰ মান ধৰি কৰিয়েই আছো। চৰকাৰে নুবুজিলে। ধৰ্ম আৰু জাতিৰ মাজৰ পাৰ্থক্যটো বুজি নাপালে। বুজিও নুবুজাৰ ভাও ধৰিলে।‘-চৰকাৰক ধিক্কাৰ দি এইদৰে কয় জুবিনে।
