বৰক’লাৰ হাৰিয়া নৈত অচিনাক্ত মৃতদেহ উদ্ধাৰ

নগাঁওঃ নগাঁও জিলাৰ বেবেজীয়া আৰক্ষী চকীৰ এলেকাধীন বৰক’লাৰ হাৰিয়া নৈৰ দলঙৰ তলত এটা অচিনাকী মৃতদেহ উদ্ধাৰক লৈ তীব্ৰ চাঞ্চল্যৰ সৃষ্টি হৈছে৷ প্ৰাপ্ত খবৰ মতে, বৃহস্পতিবাৰে পুৱাৰ ভাগত স্থানীয় কেইজনমান লোকে দক্ষিণপাট-বৰক’লা-কামপুৰ সংযোগী গড়কাপ্তানী পথৰ বৰক’লা মায়া বজাৰৰ সমীপত হাৰিয়া নৈৰ দলঙৰ তলত মৃহদেহটো প্ৰত্যক্ষ কৰা হয়৷ 

নিমিষতে অঞ্চলটোত হুৱা-দুৱা লাগে আৰু স্থানীয় ৰাইজে বেবেজীয়া আৰক্ষীক খবৰ দিয়ে৷ লগে লগে বেবেজীয়া আৰক্ষী চকীৰ ভাৰপ্ৰাপ্ত বিষয়া বিপিন সন্দিকৈৰ নেতৃত্বত যোৱা আৰক্ষীৰ দলে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে নগাঁও ভোগেশ্বৰী ফুকননী অসামৰিক চিকিৎসালয়লৈ প্ৰেৰণ কৰে মৃতদেহটো৷