তামুলপুৰঃ ভাৰতীয় বায়ুসেনা বাহিনীৰ দ্বাৰা পাকিস্তানী সন্ত্ৰাসবাদীৰ ঘাটিত আক্ৰমন কৰা ঘটনাক উষ্মা আদৰণি জনাইছে ৰাজ্য সভাৰ সাংসদ বিশ্বজিত দৈমাৰীয়ে৷ আনহাতে, দৈমাৰীয়ে সদায় শত্ৰুপক্ষৰ সতে যুঁজ দিয়াৰ বাবে ভাৰতীয় সেনা বাহিনীক সাহস দি কয় যে আমি ভাৰতৰ সকলো জনসাধাৰণ ভাৰতীয় সেনা বাহিনীৰ লগত আছো৷ আজি তামুলপুৰৰ কলবাৰীত বীৰ শ্বহীদ মনেশ্বৰ বসুমতাৰীৰ ঘৰত উপস্থিত হৈ সাংসদ গৰাকীয়ে এনেদৰে কয়৷
আজি ৰাতিপুৱাৰ ভাগতে অসমৰ পৰ্যটন মন্ত্ৰী চন্দন ব্ৰহ্ম উপস্থিত হৈ শ্বহীদৰ পৰিয়ালটোক গভীৰ সমবেদনা জনায়৷ ইপিনে শ্বহীদ মনেশ্বৰ বসুমতাৰীৰ পৱিত্ৰ আদ্যশ্ৰাদ্ধ অহা ৩ মাৰ্চ ৰবিবাৰে ৰাজহুৱাভাৱে অনুষ্ঠিত কৰাৰ বাবে ব্যাপক আয়োজন চলিছে৷ আদ্যশ্ৰাদ্ধ আয়োজন সমিতিৰ হৈ ৰাজ্য সভাৰ সাংসদ বিশ্বজিৎ দৈমাৰীয়ে সাংবাদিকক কয় য়ে বীৰ শ্বহীদ মনেশ্বৰ বসমতাৰীৰ শোকসন্তপ্ত পৰিয়ালক এখন্তেক আহি যি সকল ৰাজনৈতিক-অৰাজনৈতিক, সামাজিক, সাংস্কৃতিক দল সংগঠন সংবাদ প্ৰতিষ্ঠান, প্ৰশাসনৰ আমোলা বিষয়া শোকৰ সমভাগী হৈছে সেই সকলক পৰিয়াল তথা আদ্যশ্ৰাদ্ধ আদৰণি সমিতি তৰফৰপৰা শ্ৰদ্ধা জ্ঞাপন কৰে৷
