লোকসভা নিৰ্বাচন সম্পৰ্কে বিজেপি যুৱ মৰ্চাৰ সাংগঠনিক সভা

মিৰ্জাঃ আগন্তুক লোকসভা নিৰ্বাচনৰ বাবে তৎপৰ হৈছে ভাৰতীয় জনতা পাৰ্টীৰ দক্ষিণ কামৰূপ জিলা যুৱ মৰ্চা। এই উপলক্ষে দক্ষিণ কামৰূপৰ ছয়গাও আৰু গৰৈমাৰী মণ্ডলত দুখনকৈ পৃথকে পৃথকে যুৱ মৰ্চাৰ সাংগঠনিক সভা বৃহস্পতিবাৰে অনুষ্ঠিত হৈ যায়৷ 

ভাৰতীয় জনতা পাৰ্টি দক্ষিণ কামৰূপ জিলা যুৱ মৰ্চাৰ সভাপতি গিৰিৰাজ তিমচিনাৰ পৌৰোহিত্যত অনুষ্ঠিত হোৱা সভাত যুৱ মৰ্চাৰ ৰাজ্যিক উপ-সভাপতি তথা গুৱাহাটী লোক সভা সমষ্টিৰ নিৰ্বাচন তত্বাবধায়ক চিন্ময় শৰ্মাই উপস্থিত থাকি আগন্তুক লোকসভা নিৰ্বাচনত যুৱ শক্তিৰ ভূমিকা তথা সাংগঠনিক ৰণ কৌশল সম্পৰ্কত ভাষণ আগবঢ়ায়।