বোকা ছটিয়াছটিত লিপ্ত ৰাজনৈতিক দল

খেৰণিঃ দ্বিতীয় পৰ্যায়ত অনুষ্ঠিত হ’বলগা ডিফু লোকসভা সমষ্টিৰ ভোটগ্ৰহণলৈ মাজত মাথো কেইটামান দিন বাকী থকা অৱস্থাতে তীব্ৰতৰ হৈ উঠিছে নিৰ্বাচনী প্ৰচাৰ অভিযান সমগ্ৰ কাৰ্বি পাহাৰত।

গৰম হৈছে নিৰ্বাচনী বতাহ, কি বিজেপি কি কংগ্ৰেছ সকলো এতিয়া ব্যস্ত বোকা ছটিওৱা ৰাজনীতিত। উল্লেখযোগ্য যে কংগ্ৰেছ নেতৃত্বই যদি বিজেপি দল অথবা প্ৰধানমন্ত্ৰী নৰেন্দ্ৰ মোডী, সভাপতি অমিত শ্বাহ, মুখ্যমন্ত্ৰী সৰ্বানন্দ সণোৱাল, ৰাজ্যিক সভাপতি ৰঞ্জিত দাসক তীব্ৰ ভাষাৰে কঠোৰ সমালোচনা কৰি ভোটাৰ ৰাইজৰ দৃষ্টি আকৰ্ষণ কৰিবলৈ চেষ্টা কৰিছে, আনফালে আকৌ বিজেপিয়ে ধাৰাবাহিকভাৱে নিজৰ দলত যোগদানৰ জোৱাৰ তুলি কংগ্ৰেছৰ দুৰ্গত স্খলন ঘটাইছে।