71
নলবাৰীঃ ৰাজ্যত এতিয়া গড়কাপ্তানী পথৰ মৃত্যু ঘণ্টা বাজিছে এয়াই যে সত্য। নলবাৰী জিলাৰ হাজো-নলবাৰী পথৰ এলেংগীদলৰ মুল পথৰপৰা তিলানা সংযোগী পথটোৰ ভয়ংকৰ অৱস্থা দেখি মুৰে কপালে হাত দিছে ৰাইজে।
বিগত দুদিনমানৰ বৰষুনৰ বাবেই পথটোৰ ৯০% পথ বোকাময় হোৱা বাবে দুচকীয়া আৰু চাৰিচকীয়া বাহনৰ চলাচল বন্ধ হৈ পৰিছে৷ যাৰ ফলত বেমাৰ হ’লে চাইকেল নাইবা সাঙি কৰি নিব লাগে ৰুগীক চিকিৎসালয়লৈ। ১০৮ মৃত্যুঞ্জয় এম্বুলেঞ্চ আছে যদিও পথটোৰ দুৰৱস্থাৰ বাবে আহিব নোৱাৰে যাৰ ফলত সংকটজনক ৰোগী হাস্পতালৈ নিব নোৱাৰি। এইদৰে দুৰৱস্থা পথটোৰে বিপদ সংকুলভাৱে চাইকেল আৰু বাইক চলাই যাতায়াত কৰিব লগা হৈছে পথচাৰীয়ে।
