নিজ দলৰ প্ৰাৰ্থী হ’লেও বটদ্ৰৱাত গুৰুত্বহীন মিত্ৰজোঁটৰ মণিমাধৱ

জয়ন্ত মুদৈ, নগাঁওঃ অহা ১১ এপ্ৰিলত অনুষ্ঠিত হ’বলগীয়া প্ৰথম পৰ্যায়ৰ লোকসভা নিৰ্বাচনৰ প্ৰচাৰ অভিযান ৰাজ্যৰ অন্যান্য সমষ্টিবোৰৰ দৰে কলিয়াবৰ লোকসভা সমষ্টিটো ইতিমধ্যে সামৰণি পৰিছে৷ 

এইবাৰ সমষ্টিটোত মূলতঃ কংগ্ৰেছ আৰু অগপ-বিজেপি মিত্ৰজোঁটৰ মাজতেই তীব্ৰ প্ৰতিদ্বন্দ্বিতা হ’ব বুলি ৰাজনৈতিক ভূ-ৰখা মহলে সম্ভাৱনা ব্যক্ত কৰিছে৷ সমষ্টিটোত কংগ্ৰেছ দলে সাংসদ গৌৰৱ গগৈকে প্ৰক্ষেপ কৰাৰ বিপৰীতে অগপ-বিজেপি মিত্ৰজোঁটে আছুৰপৰা আহি একেকোবে অগপত যোগদান কৰা মনিমাধৱ মহন্তক নিৰ্বাচনী যুঁজত অৱৰ্তীণ কৰাইছে৷