68
দৰংঃ ৰাজ্যত চিকিৎসা বিজ্ঞান, চিকিৎসা খণ্ডত আমূল পৰিৰ্বতনৰ জোঁৱাৰৰ শ্ল’গান চলি থকাৰ সময়তে দৰঙৰ দলগাঁৱৰ ঢেকেৰীগাঁৱত আবিৰ্ভাৱ ঘটিছে এজন মুন্না ভাই এম বি এছ ৰূপী চিকিৎসকৰ৷ নিজকে এম বি বি এছ বুলি পৰিচয় দিয়া এইজন চিকিৎসকে মেডিকেল ডিগ্ৰী ডিপ্লমা নাথাকিলেও ডিগ্ৰীধাৰী চিকিৎসক সকলতকৈয়ো বেছি অভিজ্ঞতা আছে বুলি গাই ফুৰে মুন্না ভাই ৰূপী চিকিৎসক জিয়াউৰ ৰহমানে৷
দলগাঁৱৰ ঢেকেৰীগাঁৱত অনুজ্ঞাপত্ৰ বিহীন ফাৰ্মাচীত নাৰ্ছিং হোম খুলি লৈ এজন ডিগ্ৰীধাৰী চিকিৎসকৰ দৰেই দীৰ্ঘদিন ধৰি চিকিৎসা চলাই আহিছে জিয়াউৰে৷ আনহাতে, মুন্না ভাই জিয়াউৰৰ চিকিৎসা পদ্ধতিত আয়ুৰ্বেদিক এলোপেথিক কোনো পদ্ধতিয়েই বাদ নাই৷ সকলো পদ্ধতিৰেই চলাই ৰোগীৰ ওপৰত পৰীক্ষা নিৰীক্ষা৷ কিন্তু জানিব পৰা মতে বেমাৰীক চিকিৎসা কৰিবলৈ জিয়াউৰৰ নাই আয়ুৰ্বেদিক আৰু এল’পেথিক চিকিৎসা কৰিবলৈ কোনো ডিগ্ৰী৷
