71
কাৰ্বি আংলংঃ ভাৰতীয় নিৰ্বাচন আয়োগে ২০১৯ ৰ লোকসভা নিৰ্বাচনৰ দিন ঘোষণা কৰা পাছত তিনি পাৰ্বত্য জিলা ক্ৰমে পূব কাৰ্বি আংলং জিলা, পশ্চিম কাৰ্বি আংলং জিলা আৰু ডিমা হাছাও জিলাক সামৰি তিনি নং ডিফু লোকসভা সমষ্টিত বৃহস্পতিবাৰে অনুষ্ঠিত হ’বলগীয়া ভোটগ্ৰহণ প্ৰক্ৰিয়াৰ বাবে ৰাজনৈতিক দলসমূহৰ প্ৰচাৰৰ অন্ত পৰে।
প্ৰশাসনে সমষ্টিটোত শান্তিপূৰ্ণ আৰু স্বচ্ছ প্ৰক্ৰিয়াৰে ভোটগ্ৰহণ কৰিবলৈ প্ৰশাসনিক কাম-কাজসমূহো যুদ্ধংদেহী তৎপৰতাৰে সম্পূৰ্ণ কৰি তুলিছে৷ বুধবাৰে নিৰ্বাচনী বিষয়া তথা বোকাজান মহকুমাৰ মহকুমাধিপতি সতীশ চন্দ্ৰ ঠাকুৰীয়াই বোকাজান উচ্চতৰ মাধ্যমিক বিদ্যালয়ত স্থাপন কৰা ষ্ট্ৰং ৰূমৰ অস্থায়ী পৰ্যবেক্ষক কক্ষত এক সংবাদমেলৰ আয়োজন কৰে৷