ভোটিং বিহেভিয়াৰ আৰু জনগাঁথনিৰ পৰিৱৰ্তনৰ বাবে অগপ হাৰিলঃ অতুল বৰা

পলিমা চেতিয়া বসুমতাৰী, কাজিৰঙাঃ “ভোটিং বিহেভিয়াৰ আৰু জনগাঁথনিৰ পৰিৱৰ্তনৰ বাবেই কলিয়াবৰত মিত্ৰজোটৰ প্ৰাৰ্থীৰ পৰাজয় হ’ল৷ একেই হ’ল বৰপেটা আৰু ধুবুৰীতো৷ দেৰগাঁও, সৰুপথাৰ, খুমটাই, বোকাখাত, কলিয়াবৰত অধিক ভোট পোৱাৰ পাছতো বাকী সমষ্টিত কংগ্ৰেছে একচেটিয়াকৈ ভোট লাভ কৰিবলৈ সক্ষম হ’ল৷ যি তিনিখন আসনত অগপই প্ৰতিদ্বন্দ্বিতা কৰিছিল সেই আসন কেইখন পূৰ্বতো শাসকীয় দলৰ হাতত নাছিল৷ তথাপি জনতাৰ ৰায় আমি মানি লৈছোঁ৷”

লোকসভা নিৰ্বাচনৰ ফলাফল ঘোষণাৰ পাছত বোকাখাতত সাংবাদিকৰ আগত এই মন্তব্য কৰে অগপৰ সভাপতি তথা কেবিনেট মন্ত্ৰী অতুল বৰাই৷ বৰাই লগতে কয় যে কেন্দ্ৰত মিত্ৰজোঁটৰ চৰকাৰ গঠনৰ দিশে আগবাঢ়িছে৷ নিঃসন্দেহে মিত্ৰজোটৰ অংশীদাৰ হিচাপে আমিও গৌৰৱবোধ কৰোঁ৷