47
কাজিৰঙাঃ বোকাখাত শ্বহীদ কমলা মিৰি অসামৰিক চিকিৎসালয়ত ৰাজ্যিক স্বাস্থ্য মন্ত্ৰী পীযুষ হাজৰিকাই বৃহস্পতিবাৰে পুৱা আকস্মিক পৰিদৰ্শন কৰে। পৰিদৰ্শন কালত চিকিৎসালয়খনত ১১ গৰাকী চিকিৎসকৰ মাত্ৰ ৩ গৰাকী চিকিৎসকহে উপস্থিত থকা বুলি শুনি আশ্চৰ্য্য প্ৰকাশ কৰে মন্ত্ৰী গৰাকীয়ে।
মন্ত্ৰী গৰাকীয়ে কৰ্তব্যত কৰা গাফিলতিৰ বাবে বোকাখাত অসামৰিক চিকিৎসালয়ৰ চিকিৎসক ডা০ অজিত দ’লে আৰু ডা০ নিলীমা ফুকনক শাস্তিমূলক বদলি আৰু চিকিৎসালয়খনৰ দন্ত চিকিৎসক ডা০ উদিপ্ত দাসক চাকৰিৰপৰা বৰ্খাস্ত কৰে।