মৃত কৰ্মচাৰী পৰিয়াললৈ ২ লাখ ৫০ হাজাৰ টকা আৰ্থিক সাহায্য প্ৰদান

জিতুমণি নাথ, মৰিগাঁওঃ মৰিগাওঁ জিলাৰ এ পি ডি চি এলৰ মৃত কৰ্মচাৰী ৰামসুন্দৰ বিশ্বাসৰ পৰিয়াললৈ মঙলবাৰে মৰিগাঁও জিলা উপায়ুক্তৰ উপস্থিতিত এ পি ডি চি এলৰ মুখ্য কাৰ্যবাহী বিষয়া ভাস্কৰজ্যোতি বৰাই ২ লাখ ৫০ হাজাৰ টকা আৰ্থিক সাহায্য প্ৰদান কৰে। 

অতিৰিক্ত উপায়ুক্ত লক্ষীনন্দন চহৰীয়া উপস্থিতি থকা অনুষ্ঠানটোত এ পি ডি চি এলৰ মুখ্য কাৰ্যবাহী বিষয়া গৰাকীয়ে আৰ্থিক সাহায্যৰ চেকখন প্ৰদান কৰে ৰামসুন্দৰ বিশ্বাসৰ পুত্ৰ ইন্দ্ৰমোহন বিশ্বাসক।