লখিমপুৰ নগৰ মহিলা উন্নয়ন সমিতিৰ প্ৰসংশনীয় পদক্ষেপ

লখিমপুৰঃ লখিমপুৰ নগৰৰ মুছলিম মহিলা সকলে একগোট হৈ ২০১৮ বৰ্ষত লখিমপুৰ নগৰ মহিলা উন্নয়ন সমিতি নামেৰে নামাকৰণ কৰি লখিমপুৰ নগৰৰ সমাজৰ উন্নয়নমুলক কামৰ লগত জৰিত হোৱাৰ বাবে সংকল্প লয়।  
প্ৰথম পৰ্য্যায়ত লখিমপুৰ নগৰ মহিলা উন্নয়ন সমিতি খনে উত্তৰ-লখিমপুৰ নগৰ কেন্দ্ৰীয় ঈদগাহ মইদাম খনৰ আন্তগাথনিৰ  দীৰ্ঘদিনীয়া সমস্যাবোৰ  লখিমপুৰ বাসী ৰাইজৰ সহযোগত সমাধান কৰিবলৈ সক্ষম হয় আৰু লগতে ঈদগাহ মইদাম খনক এক আধুনিক ৰূপ দিয়াৰ চেষ্টা অব্যাহত ৰাখিছে। মহিলা উন্নয়ন সমিতিখনৰ সদস্যা সকলৰ এই প্ৰচেষ্টাৰ বাবে লখিমপুৰ নগৰৰ সচেতন নাগৰিকে লখিমপুৰ নগৰ মহিলা উন্নয়ন সমিতিক ধন্যবাদ ও কৃতজ্ঞতা জ্ঞাপন কৰে ।

লখিমপুৰ নগৰ মহিলা উন্নয়ন সমিতিয়ে অনাগত দিনবোৰত লখিমপুৰ নগৰখনৰ সামাজিক উন্নয়নমুলক কাম কৰি যোৱাৰ চেষ্টা অব্যাহত ৰাখিব বুলি সংবাদ মাধ্যমৰ আগত মত প্ৰকাশ কৰে ।