অভ্যাগত গছপুলিৰে স্বাগতম দৰা-কইনাৰ

জয়ন্ত মুদৈ, নগাঁওঃ এখন ব্যতিক্ৰমী বিবাহ। বিবাহখনলৈ অহা প্ৰতি গৰাকী অভ্যাগতক যঁচা হৈছে একোটিকৈ গছপুলি। কাৰোবাক যদি দিয়া হৈছে চন্দন গছৰ পুলি, কোনোবাই উপহাৰ হিচাপে পাইছে অৰ্জুন গছৰ পুলি। 

মুঠতে বিবাহ অনুষ্ঠানলৈ অহা অভ্যাগতই ঘৰলৈ লৈ গৈছে একোটিকৈ গছপুলি। হয়, ৰাজ্যৰ চৌদিশে বন ধ্বংসৰ অঘোষিত প্ৰতিযোগিতাৰ মাজতে এখন বিবাহত এযোৰ দৰা কইনাৰ ব্যতিক্ৰমী প্ৰয়াস। এই পৰিৱেশ দেখা গ’ল নগাঁও জিলাৰ বিৰহ বেবেজীয়াৰ এক বিবাহ অনুষ্ঠানত।