78
ছাজাহান ছেলিম কুৰেছি, ৰঙাপৰাঃ নামনিমুৱা মুৰ্কুংচেলেং-কামাখ্যা লাচিত এক্সপ্ৰেছত কালি এজন সুৰাসক্ত যুৱকে এগৰাকী যুৱতীক ধৰ্ষনৰ অপচেষ্টা চলাই আৰক্ষীৰ হাতত আটক হোৱা ঘটনাই অঞ্চলটোত চাঞ্চল্যৰ সৃষ্টি কৰিছে।
ৰঙাপৰা ৰে’লৱে আৰক্ষীৰ ভাৰপাপ্ত বিষয়া হেমচন্দ্ৰ বড়োৱে সংবাদ মাধ্যমৰ আগত দিয়া তথ্য মতে নামনিমুৱা লাচিত এক্সপ্ৰেছত হেলেমৰ ওচৰত নিশা ১২ মান বজাত বিহাৰৰ নিৱাসী অমৰেন্দ্ৰ মিশ্ৰৰ পুতেক বীবেক কুমাৰ মিশ্ৰই(২৭) সুৰাৰ ৰাগীত মত্ত হৈ গুৱাহাটী অভিমুখে গৈ থকা নিদ্ৰাত মগ্ন যুৱতী এগৰাকীক আন্ধাৰৰ সুযোগ লৈ ধৰ্ষনৰ অপচেষ্টা চলায়।
