64
খেৰণিঃ পশ্চিম কাৰ্বি আংলঙত পুনৰ বৃদ্ধি পাইছে ক’ভিড-১৯ পজিটিভৰ সংখ্যা। কিছুদিন পূৰ্বে পশ্চিম কাৰ্বি আংলঙৰ খেৰণিৰ জিৰিবাছা গাওঁৰ অজয় শিৱা (২২) আৰু ভীম ভদ্ৰ সিংহা (২২) নামৰ যুৱকদ্বয়ৰ দেহত ক’ভিড-১৯ পজিটিভ ধৰা পৰাৰ পাছত এইবাৰ পুনৰ দুই যুৱকৰ দেহত ধৰা পৰিছে ক’ভিড-১৯ পজিটিভ।
নতুনকৈ পজিটিভ ধৰা পৰা যুৱক দুজনৰ এজন যুৱকক মুন্না চৌহান (২১) বুলি চিনাক্ত কৰাৰ বিপৰীতে আনজনক মোহন বাহাদুৰ ছেত্ৰী (১৯) বুলি চিনাক্ত কৰা হৈছে। খেৰণি থানাৰ অন্তর্গত ২ নম্বৰ নৱাইবিল গাঁৱৰ বাসিন্দা মুন্না চৌহান, আনহাতে মোহন বাহাদুৰ ছেত্ৰী টুমপ্ৰেঙৰ বাসিন্দা। ইতিমধ্যে নিশাই যুৱকদ্বয়ক চিকিৎসাৰ বাবে নগাওঁলৈ প্ৰেৰণ কৰিছে প্ৰশাসনে তথা বিভাগীয় কৰ্তৃপক্ষই।