‘অমৃত বৃক্ষ’ আন্দোলন কৰা অসম চৰকাৰে যোৱা ২ বছৰত কিমান গছ কাটিলে?

বিশ্ব অভিলেখৰ পিছত দৌৰিছে অসম চৰকাৰ। ৰাজ্যৰ বিকাশ, উন্নয়নক একাষৰীয়াকৈ থৈ গিনীজ বুকত নাম সন্নিৱিষ্ট কৰিবলৈ উঠিপৰি লাগিছে মুখ্যমন্ত্ৰী হিমন্ত বিশ্ব শৰ্মা নেতৃত্বাধীন অসম চৰকাৰে। শেহতীয়াকৈ এনেদৰেই চৰকাৰৰ বিৰুদ্ধে সৰৱ হৈ পৰিছে একাংশ লোক।

অসমৰ বাপতিসাহোন বিহুক গিনীজ বুকত অন্তৰ্ভূক্ত কৰাৰ পিছত অসম চৰকাৰে পণ লৈছিল বৃক্ষ ৰোপণেৰে আন এক বিশ্ব অভিলেখ গঢ়াৰ। প্ৰধানমন্ত্ৰী নৰেন্দ্ৰ মোদীৰ জন্মদিনটোত অৰ্থাৎ ১৭ ছেপ্টেম্বৰত অসম চৰকাৰে মাত্ৰ তিনিঘণ্টাৰ ভিতৰতে এশ কোটি বৃক্ষৰোপণ কৰি বিশ্ব অভিলেখ গঢ়াৰ প্ৰয়াস চলাইছিল। সমগ্ৰ ৰাজ্যজুৰি চলোৱা বৃক্ষ ৰোপণৰ এই অভিযানৰ নাম দিয়া হৈছিল ‘অমৃত বৃক্ষ আন্দোলন’।