60
মঙলদৈঃ অৱশেষত আৰক্ষীৰ জালত পৰিল দৰং জিলাৰ মেধিচাপৰিত মঙলবাৰে নিশা সংঘটিত হোৱা হত্যাকাণ্ডৰ মূল অভিযুক্ত৷ শুকুৰবাৰে ৰাইজৰ সহযোগত এক অভিযান চলাই দৰং আৰক্ষীয়ে ওদালগুৰি জিলাৰ কলাইগাঁৱৰ পৰা অভিযুক্ত লোহিত শইকীয়াক কৰায়ত্ত কৰে৷
উল্লেখ্য যে, ধৃত লোহিতে ছিপাঝাৰৰ হাজৰিকাপাৰাৰ কঢ়াপাৰা গাঁৱৰ কমলেশ্বৰ ডেকা ওৰফে বুল নামৰ যুৱকজনক ডিঙি কাটি হত্যা কৰি মৃতদেহ ব্ৰহ্মপুত্ৰ পানী যুৱঁলিত পেলাই দিছিল৷ পিছত প্ৰাতঃ ভ্ৰমণলৈ অহা লোকে পানী যুঁৱলিত ডিঙি কাটি পেলাই থোৱা মৃতদেহটো প্ৰত্যক্ষ কৰাত জিলাখনত তীব্ৰ চাঞ্চল্যৰ সৃষ্টি হয়৷
