52
যোৰহাট/মৰিয়নীঃ যোৰহাট জিলাৰ বাটে-ঘাটে এতিয়া আনটাইদ ফাণ্ড কেলেংকাৰীৰ চৰ্চা ৷ বজাৰ, তিনিআলি সকলোতে সৰৱ চৰ্চা আনটাইদ ফাণ্ড কেলেংকাৰীৰ৷ তদন্তই নতুন মোৰ লোৱাত যোৱা দুদিনত যোৰহাট জিলাৰ বিভিন্ন দল-সংগঠন ব্যক্তি বিশেষে প্ৰতিক্ৰিয়াও প্ৰকাশ কৰিছে।
এই কেলেংকাৰী সন্দৰ্ভত যোৰহাটৰ আৰক্ষী আৰু মুখ্যমন্ত্ৰীৰ বিশেষ তদন্তকাৰী শাখাই তদন্ত চলাই থকা সময়তে ৫ টা গোচৰ চি আই ডি লৈ হস্তান্তৰ কৰাক লৈ কিছু লোকে মূখ্যমন্ত্ৰীক সমালোচনাও কৰিছে। অসম আৰক্ষীৰ অতিৰিক্ত সঞ্চালক প্ৰধান এম আগৰৱালা সাক্ষৰিত পত্ৰৰ জৰিয়তে যোৰহাট সদৰ থানাত পঞ্জীভূক্ত ৩৫৭/১৫, ১৯০১/১৫, ২৫২৩/১৬, ৮৭৫/১৭ আৰু ১৩৭১/১৭ নম্বৰ গোচৰ কেইটা চি আই ডি লৈ হস্তান্তৰ কৰিছে।
