গ্ৰাম্য অঞ্চলৰ সাংবাদিকৰ সমস্যা সমাধানৰ বাবে কাম কৰিব আজুই

মোৰাঝাৰঃ ৰাজ্য খনৰ বিভিন্ন মাধ্যমত কাম কৰি থকা সাংবাদিকসকলৰ বিভিন্ন সমস্যাৰ হকে মাত মাতি অহা সদৌ অসম সাংবাদিক সন্থাই গ্ৰাম্য অঞ্চলৰ সাংবাদিকৰ সমস্যা সমাধান কৰাৰ বাবে কাম কৰিব ৷ মফচলীয় সাংবাদিকসকলৰ সংগঠন সদৌ অসম সাংবাদিক সন্থা চমুকৈ আজুই সাংবাদিকৰ সমস্যা সমাধানৰ বাবে ব্যৱস্থা গ্ৰহণ কৰিব ৷

হোজাই জিলা সমিতি গঠনৰ উদ্দেশ্যে হোজাইৰ ডবকাৰ আব্দুল জেলিল চৌধুৰী (ৰঃ) স্মাৰক প্ৰেক্ষাগৃহত অনুষ্ঠিত সভাত এই কথা প্ৰকাশ কৰে সংগঠনটোৱে৷ হোজাই জিলাৰ মফচলীয় সাংবাদিকৰ ক্ষেত্ৰখনত অনন্য মাত্ৰা প্ৰদান কৰা সাংবাদিক তুষেশ্বৰ তামুলী ফুকনৰ সভাপতিত্ব অনুষ্ঠিত সভাত জ্যেষ্ঠ সাংবাদিক তথা ডবকা প্ৰেছক্লাবৰ সভাপতি আব্দুল হান্নান তালুকদাৰে সভাৰ উদ্দেশ্য ব্যাখ্যা কৰে৷