51
নগাঁওঃ নগাঁও জিলাৰ লাওখোৱা, ভূৰবন্ধা, ভগামুখ আদি অঞ্চলত অব্যাহত আছে মহাবাহু ব্ৰহ্মপুত্ৰৰ ব্যাপক খহনীয়া৷ কিন্তু এনে খহনীয়া প্ৰতিৰোধৰ বাবে আজিকোপতি চৰকাৰে কোনো ফলপ্ৰসূ কাৰ্যব্যৱস্থা গ্ৰহণ নকৰাত জলসম্পদ বিভাগৰ প্ৰতি আস্থা হেৰুৱাই পেলাইছে নৈপৰীয়া ৰাইজে৷
ফলত বাৰিষাৰ আগমনৰ লগে লগে ভয়াৱহ বিপদৰ আশংকাত ত্ৰস্তমান চামগুৰি ৰাজহ চক্ৰৰ অন্তৰ্গত নৈপৰীয়া দুৰ্ভগীয়া ৰাইজে এতিয়া উপায়হীন হৈ মহাবাহু ব্ৰহ্মপুত্ৰৰ পূজা-অৰ্চনাত ব্যস্ত হৈ পৰিছে৷ তেওঁলোকে পুৰোহিত মাতি আনি মন্ত্ৰোচাৰণ,উৰুলি-মাংগলিক ধ্বনিৰে নৈৰ পাৰ মুখৰিত কৰি ধূপ-ধূনা, চাকি-বন্তি জ্বলাই ৰুষ্ট ব্ৰহ্মপুত্ৰক কালৰূপ ধাৰণ নকৰিবলৈ কৰযোৰে প্ৰাৰ্থনা জনাইছে৷
