অসমীয়া জাতীয় স্বাভিমানৰ প্ৰতি চৰম অপমান, এই খন চৰকাৰৰ প্ৰয়োজনেই ক’তঃঅনুপ

গুৱাহাটীঃ অসমীয়া জাতিৰ আৱেগ-অনুভূতি কাজিৰঙা ৰাষ্ট্ৰীয় উদ্যান সহ ৰাজ্যৰ ৪ ঐতিহাসিক ক্ষেত্ৰ ৰংঘৰ, কাৰেংঘৰ, শিৱদ’লক ভাৰত চৰকাৰে চোৱা চিতাৰ কৰাৰ দায়িত্ব জেটিআই গ্ৰুপ আৰু জাংগল ট্রেডার্চ ইণ্ডিয়াক দিয়াৰ বাবে লোৱা সিদ্ধান্তৰ বিৰুদ্ধে ৰাজ্যৰ ৰাইজুৰি প্ৰতিক্ৰিয়াৰ সৃষ্টি হৈছে৷ব্যক্তিগত প্ৰতিষ্ঠান জেটিআই গ্ৰুপক কেন্দ্ৰীয় চৰকাৰৰ Adopt A Heritage আঁচনিৰ অধিনত অসমৰ ঐতিহাসিক ক্ষেত্ৰ সমূহ গতাই দিয়াৰ সিদ্ধান্ত আলোচনা পন্থী আলফা, কৃষক মুক্তি সংগ্ৰাম সমিতি, আছু আদিয়ে তীব্ৰ বিৰোধিতা কৰিছে৷ 

এশিঙীয়া গঁড়ৰ আৱাসস্থলি কাজিৰঙা ৰাষ্ট্ৰীয় উদ্যান ৰংঘৰ, কাৰেংঘৰ, শিৱদৌল ব্যক্তিগত খণ্ডক কোনে কাৰণত গতাই দিয়াৰ সমৰ্থনত নাই বুলি দল-সংগঠনে স্পষ্ট কৰে৷ তাৰ মাজতে আলোচনাপন্থী আলফাৰ সম্পাদক অনুপ চেতিয়াই এক বিবৃতি যোগে চৰকাৰৰ এই সিদ্ধান্তক অসমীয়া জাতীয় স্বাভিমানৰ প্ৰতি চৰম অপমানজনক আখ্যা দিয়ে৷