105
সোমবাৰ অৰ্থাৎ আজিৰে পৰা আৰম্ভ হৈছে অসম বিধানসভাৰ শৰৎকালীন অধিৱেশন। দিছপুৰৰ নৱনিৰ্মিত বিধানসভা ভৱনত ৫ দিনীয়াকৈ অনুষ্ঠিত হোৱা এই অধিৱেশনত কেইবাখনো বিধেয়ক উত্থাপন কৰা হ’ব বুলি ইতিমধ্যে স্পষ্ট কৰিছে ৰাজ্য চৰকাৰৰ মন্ত্ৰী পীযুষ হাজৰিকাই। শৰৎকালীন অধিৱেশনৰ প্ৰথম দিনটোতে সদনত আলোচনা চলিল ৰাজ্যত বিগত কিছুদিন ধৰি হৈ থকা প্ৰচণ্ড লোডশ্বেডিঙৰ বিষয়ে।
অধিৱেশনৰ প্ৰথম দিনটোতে মুখ্যমন্ত্ৰীয়ে বিৰোধীৰ সভা স্থগিত প্ৰস্তাৱ গ্ৰহণ কৰাটো ঐতিহাসিক ঘটনা হিচাপেও ৰাজনৈতিক বিশ্লেষকসকলৰ দৃষ্টি আকৰ্ষণ কৰিছে। একেদৰে বাঘবৰ সমষ্টিৰ বিতৰ্কিত বিধায়ক শ্বেৰমান আলীয়ে চৰকাৰে কৰ্তন কৰা তেওঁৰ ব্যক্তিগত নিৰাপত্তাৰক্ষী ঘূৰাই বিচৰা বিষয়টোৱেও সংবাদ শিৰোনাম দখল কৰা দেখা গৈছে।
