চৰাইদেউঃ উজনিৰ কেইবাখনো জিলাত উগ্ৰপন্থীৰ ধনদাবী, আক্ৰমণকে ধৰি বিভিন্ন ধৰণৰ ঘটনা সংঘটিত হৈ আহিছে৷ তাৰ মাজতে নিৰাপত্তা সেনা, অৰ্ধসামৰিক বাহিনী, আৰক্ষীয়ে গিজগিজাই থকাৰ পিছতো অস্ত্ৰধাৰীয়ে মুকলি বিচৰণ কৰি আহিছে৷ চৰাইদেউ জিলাত শেহতীয়াকৈ অস্ত্ৰধাৰীৰ দলে মুকলি বিচৰণ কৰা খবৰ পোহৰলৈ আহিছে৷ সোণাৰি আৰক্ষী থানাৰ অন্তৰ্গত কানু চাহ বাগিচাত বৃহস্পতিবাৰে নিশা অস্ত্ৰধাৰীৰ দল মুকলিবিচৰণ কৰাৰ লগতে ভয়াবহ আক্ৰমণ কৰে৷
বুধবাৰে নিশা প্রায় ৮-৪০ বজাত প্ৰায় পাঁচ জনীয়া সন্দেহ জনক আলফা স্বাধীনৰ দলে বাগিচা খনত প্ৰৱেশ কৰি গুলীচালনা কৰে৷ জানিব পৰা মতে, অস্ত্ৰধাৰীৰ দলটোৱে নিশা বাগিচা খনৰ নৈশ চকীদাৰৰ সৈতে মুখামুখি হয়৷ অস্ত্ৰধাৰীৰ দলটোৱে চকীদাৰজনক এটা মোনা বাগিচাৰ পৰিচালকৰ বঙলাৰ গেটত ৰাখিবলৈ দিয়ে৷ অনিচ্ছা সত্বেও অস্ত্ৰ-শস্ত্ৰৰে সুসজ্জিত দলটোৱে চকীদাৰগৰাকীক ক্ষতি কৰিব বুলি আশংকা কৰি মোনাটো লৈ গেটৰ পৰা ভিতৰত প্ৰৱেশ কৰে৷
