এনআৰচিৰ আপত্তিকৰণৰ নামত ভাৰতীয়ক হাৰাশাস্তি বন্ধৰ দাবীৰে নেমছুৰ স্মাৰক-পত্ৰ

আব্দুল বাৰেক, বিশ্বনাথ চাৰিআলিঃ উচ্চতম ন্যায়ালয়ৰ তত্বাৱধানত চলি থকা ৰাষ্ট্ৰীয় নাগৰিকপঞ্জী উন্নীতকৰণৰ কামত শেহতীয়াকৈ আপত্তিৰ ক্ষেত্ৰত ধৰ্মীয় আৰু ভাষিক সংখ্যালঘুক একাংশ দুষ্ট চক্ৰই যধে-মধে এনআৰচিৰ আপত্তি দাখিল কৰি এনআৰচিৰ কাম-কাজত বাধা দিয়াৰ লগতে সৰ্বসাধাৰণ ৰাইজক শাৰীৰিক, মানসিক আৰু আৰ্থিকভাৱে হাৰাশাস্তি কৰাৰ অভিযোগ উত্থাপন কৰি বুধবাৰে উত্তৰ পূৰ্বাঞ্চল সংখ্যালঘু ছাত্ৰ সন্থাৰ বিশ্বনাথ জিলা সমিতিয়ে বিশ্বনাথ জিলা উপায়ুক্তক দাবী সম্বলিত স্মাৰক-পত্ৰ প্ৰদান কৰে।

বিশ্বনাথ জিলা সমিতিৰ সভাপতি মুস্তাক আহমেদ, সাধাৰণ সম্পাদকদ্বয় মুস্তাফিজুৰ ৰহমান, হাফিজ মণ্ডল, সহকাৰী সম্পাদক মহিবুৰ ৰহমান, প্ৰচাৰ সম্পাদক আমিৰ খুচৰুৰ স্বাক্ষৰিত দাবী সম্বলিত স্মাৰক-পত্ৰখন জিলা সমিতিৰ বিষয়ববীয়াসকলৰ উপস্থিতিত প্ৰদান কৰা হয়।