দৰঙৰ দলগাঁৱৰ অন্ধ কিশোৰ আব্বাছ আলী দুষ্ট চক্রৰ কবলত পৰি পালেগৈ বাংলাদেশ

খাৰুপেটীয়া: দুষ্টচক্ৰৰ কবলত পৰি দলগাঁৱৰ অন্ধ কিশোৰ পালেগৈ বাংলাদেশ৷ ফেচবুকত ভাইৰেল হৈছে ৰেল ষ্টেচনত গীত গাই ভিক্ষা কৰি থকা দুবছৰৰ পৰা সন্ধানহীন দুৰ্ভগীয়া আব্বাছৰ কৰুন দৃশ্য৷ দৰিদ্ৰ পৰিয়ালতোৰ ঘৰত হাহাকাৰ হৈছে। এটি কৰুন দৃশ্য৷ এজন অন্ধ কিশোৰে দুই হাতৰ মুঠিত দুটা শিলগুটি বজাই কোনো এক ৰেল ষ্টেচনত গীত গাই ভিক্ষা খুজিছে ৷ ৰেল যাত্ৰী সকলে সুমধুৰ গীতত মুগ্ধ হৈ কিশোৰজনৰ হাতৰ মুঠিত, জেপত ভৰাই দিছে টকা৷ অন্ধ ভিখাৰীৰ এনে দৃশ্য সততে আমাৰ সমাজত দেখা পালেও এই অন্ধ কিশোৰজন আচলতে কোনো ভিখাৰী নাছিল৷ এক দুষ্টচক্ৰই কিশোৰজনক বাধ্য কৰাইছে এনে বৃত্তিত৷

লিংক-বাংলাদেশৰ কোনো এক ৰেল ষ্টেচনত গান গাই ভিক্ষা কৰি থকা অৱস্থাত দুৰ্ভগীয়া আব্বাছ