67
কোকৰাঝাৰঃ কোকৰাঝাৰ চহৰৰ বডোফা নগৰস্থিত বিটিচি সচিবালয়ৰ বিশাল পথাৰত কাইলৈ দিনযোৰা বৰ্ণাঢ্য কাৰ্যসূচীৰে উদযাপিত হ’ব ১৫সংখ্যক বড়োলেণ্ড দিৱস ৷ উল্লেখ্য যে আজিৰ পৰা ১৫ বছৰ পূৰ্বে অৰ্থাৎ ২০০৩ চনৰ ১০ ফেব্ৰুৱাৰীত প্ৰাক্তন বিএলটি, ৰাজ্য আৰু কেন্দ্ৰীয় চৰকাৰৰ মাজত স্বাক্ষৰিত হোৱা ঐতিহাসিক বড়ো চুক্তি মৰ্মে বিটিচি গঠন হৈছিল ৷ ইয়াৰ পিছৰে পৰাই বিটিচি প্ৰশাসনে ১০ ফেব্ৰুৱাৰীৰ দিনটো বড়োলেণ্ড দিৱস হিচাপে উদযাপন কৰি আহিছে ৷
বিটিচি সচিবালয়ৰ বিশাল পথাৰত অইনবাৰৰ দৰেই এইবাৰো হাজাৰ হাজাৰ ৰাইজৰ উপস্থিতিত উদযাপিত হ’বলগীয়া বডোলেণ্ড দিৱসৰ প্ৰস্তুতি সম্পূৰ্ণ হৈ উঠিছে৷ উদযাপনস্থলীত প্ৰায় পঞ্চাশ হাজাৰ লোক একেলগে বহিব পৰাকৈ সুবিশাল পেণ্ডেল নিৰ্মাণ কৰা হৈছে ৷
