Printer-friendly version

বৰনদ্দীঃ পশ্চিম নলবাৰী অঞ্চলৰ বেলশৰত অহা ১৫, ১৬ আৰু ১৭ মাৰ্চত ভাৰতীয় হেণ্ডবল ফেডাৰেচনৰ উদ্যোগত অসম হেণ্ডবল সন্থাৰ সহযোগত আৰু বেলশৰ আঞ্চলিক ক্ৰীড়া সংঘৰ আমন্ত্ৰণত  স্থানীয় বেলশৰ উচ্চতৰ মাধ্যমিক খেলপথাৰত ৰাষ্ট্ৰীয় পূব মাণ্ডলিক দিবা-নৈশ পুৰুষ-মহিলা হেণ্ডবল প্ৰতিযোগিতাৰ আয়োজন কৰা হৈছে।

ইতিমধ্যে এই প্ৰতিযোগিতাত অসম, অৰুণাচল প্ৰদেশ, মেঘালয়, মণিপুৰ, পশ্চিমবংগ, ত্ৰিপুৰা, ঝাৰখণ্ড, ওড়িশা, নগালেণ্ডৰ দলে অংশগ্ৰহণ কৰিব বুলি জানিব পৰা গৈছে। 

খেল পৰিচালনাৰ বাবে লক্ষী পাটোৱাৰীক সভাপতি, হৰিশ গোস্বামীক কাৰ্যকৰী সভাপতি, সুনীল পাটোৱাৰীক মুখ্য সম্পাদক, চন্দন হালৈক সম্পাদক জিতুমণি হালৈক, দ্বীপজ্যোতি মেনাক যুটীয়া সম্পাদক হিচাপে লৈ প্ৰতিযোগিতাৰ আদৰণী সমিতিখন গঠন কৰা হৈছে। ক্ৰীড়াপ্ৰেমী ৰাইজক খেল উপভোগ কৰিবলৈ উদ্যোক্তাসকলে আহ্বান জনাইছে।