70
মোৰাঝাৰঃ হোজাই জিলা আইন সেৱা প্ৰাধিকৰণ নতুনকৈ গঠন হোৱাৰ পিছতে জিলাখনত বাল্যবিবাহ, শিশু শ্ৰমিক, শিশু নিৰ্যাতন আদিৰ দৰে ঘটনাবোৰৰ বিৰুদ্ধে কঠোৰ পদক্ষেপ গ্ৰহণ কৰা হৈছে৷ হোজাই জিলা আইন সেৱা প্ৰাধিকৰণৰ তৎপৰতাত বুধবাৰে হোজাইৰ মোৰাঝাৰত পুনৰ এখন বাল্যবিবাহ বন্ধ কৰা হয়৷
এই সন্দৰ্ভত জিলা আইন সেৱা প্ৰাধিকৰণৰ সম্পাদিকা প্ৰণিতা মৰাঙে জানিবলৈ দিয়া মতে বুধবাৰে মোৰাঝাৰৰ বুৰুংগাত এগৰাকী ১৫ বছৰীয়া নাবালিকাৰ বিবাহৰ আয়োজন কৰা হৈছিল চৌধুৰীবজাৰৰ এজন যুৱকৰ লগত৷ দৰাঘৰীয়াই কন্যাক চাই যোৱাৰ পিছতে গোপনে আয়োজন কৰা হৈছিল বিবাহখন৷
