15
“পাপী পেট কা ছৱাল হ্যে ভাইয়া। হামকো ভি বুৰা লগতা হ্যে বিবি-বৎসো ছে কাম কৰৱানে মে। লেকিন য়হী হামাৰী ৰোজী-ৰোতি হ্যে। হামকো দুছৰা কাম আতা হি নহী।”
খেল আৰম্ভ কৰাৰ পূৰ্বৰ ২০ মিনিট নটৱৰ নাথ আৰু তেওঁৰ পৰিয়ালটোৰ বাবে আটাইতকৈ ব্যস্ত সময়। বিশেষকৈ যিডাল ৰছীৰ ওপৰত খোজ কাঢ়ি তেওঁৰ ভনীয়েকে কাৰছাজি কৰিব, সেই ৰছীডাল সঠিকভাৱে স্থাপন কৰিবলগীয়া হয়। ৩৫ কেজি ওজনৰ সৈতে ৰছীডাল যাতে সন্তুলিত হৈ থাকে তাৰ বাবে দুয়োমূৰে দুটা লোহাৰ খুঁটি মাটিত ২-৩ ফুট তললৈকে ভালকৈ পুতি লোৱা হয়। তাৰ পিছত দুডাল বাঁহৰ থেকাৰ ওপৰৰে ৰচীডাল টানি দিয়া হয়। ৰছীডাল কিমান টান হ’ব লাগিব তাৰো এটা অনুমান থাকে। ৰছীডাল টানি হোৱাৰ পিছত নটৱৰ নাথে তলৰ পৰা ৰছীডাল টানি ছোৱালীজনীৰ ওজন কঢ়িয়াব পাৰিব নে নাই সেয়া ভালকৈ পৰীক্ষা কৰি লয়।
