কাৰ্বি ছাত্ৰ সন্থাৰ সভাপতিক গুৱাহাটী উচ্চ ন্যায়ালয়ৰ জামিন

ডিফুঃ অৱশেষত জামিনত মুক্তি লাভ কৰিলে কাৰবি ছাত্ৰ সন্থাৰ সভাপতি ছিমিয়ণ ৰংফাৰে ৷ যোৱা ২১ ডিচেম্বৰত গুৱাহাটী উচ্চ ন্যায়ালয়ত ছাত্ৰ নেতাগৰাকীয়ে জামিন লাভ কৰিছিল যদিও চৰকাৰী বন্ধ থকাৰ পৰিপ্ৰেক্ষিতত সোমবাৰেহে ডিফু কাৰাগৰৰপৰা মুকলি আকাশৰ তললৈ আহিবলৈ সক্ষম হয়৷

ছাত্ৰ সংগঠনৰ বিভিন্ন নেতা, সদস্যই সভাপতি ৰংফাৰক ডিফু কাৰাগৰৰপৰা আদৰি সংগঠনৰ কাৰ্যালয়লৈ আনে৷ উল্লেখযোগ্য যে যোৱা ১৬ ডিচেম্বৰত কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙৰ বিৰুদ্ধে ৰাজহুৱা সভাত ছিমিয়ণ ৰংফাৰে অসাংবিধানিক মন্তব্য কৰাৰ অভিযোগ তুলি তুলিৰাম ৰংহাঙৰ ভাতৃ ৰবিৰাম ৰংহাঙে গোচৰ দাখিল কৰিছিল৷