80
নতুন দিল্লীঃ দেশৰ অন্নদাতা কৃষকৰ সৈতে পুনৰ সংঘৰ্ষত লিপ্ত হ’ল আৰক্ষী। নিজৰ অধিকাৰৰ দাবীৰে কৃষকৰ ‘দিল্লী চলো’ আন্দোলনৰ মাজতে শম্ভূ সীমান্তত সৃষ্টি হয় কৃষক-আৰক্ষীৰ তীব্ৰ সংঘাত। শনিবাৰে পুৱা ১০১ জন কৃষকে শান্তিপূৰ্ণ সমদল কৰি দিল্লী অভিমুখে ৰাওনা হয়। কিন্তু শম্ভূ সীমান্ত পোৱাৰ পিছত আৰক্ষীয়ে তেওঁলোকক বাধা দিয়ে।
কৃষকসকলে বেৰিকেড ভাঙিবলৈ চেষ্টা কৰাত আৰক্ষীৰ সৈতে সংঘৰ্ষত লিপ্ত হয়। আৰক্ষীয়ে জলকামান আৰু কন্দুৱা গেছ ব্যৱহাৰ কৰি প্ৰতিবাদকাৰীক ভেটা দিবলৈ চেষ্টা কৰে। এই সংঘৰ্ষত ১৭ জন কৃষক আহত হয়।
