গুৱাহাটীঃ ২৬ অাগষ্টত চানমাৰিৰ অসম অভিযান্ত্ৰিক খেলপথাৰত অনুষ্ঠিত হ'ব নৰ্থ ইষ্ট ইণ্ডিয়া ফেশ্বন উইক৷ উত্তৰ-পূৰ্বাঞ্চলৰ বস্ত্ৰ অাৰু সংস্কৃতিৰ ক্ষেত্ৰত কাম কৰি অহা উদীয়মান হস্তশিল্পৰ শিল্পী তথা ডিজাইনাৰসকলক অনুপ্ৰাণিত অাৰু উৎসাহিত কৰাৰ উদ্দেশ্যেৰে এফুৱেন্ট ৰে’ অৱ লাইট-এ অায়োজন কৰিছে এই ফেশ্বন ইভেন্ট।
‘খাদী অান্দোলন-অসম সংস্কৰণ’ নামেৰে অায়োজন কৰা এই ফেশ্বন ইভেন্টত ৫০গৰাকীতকৈও অধিক ডিজাইনাৰ অাৰু থলুৱা শিপিনীয়ে অংশ ল'ব। এফুৱেন্ট ৰে’ অৱ লাইট নামৰ এই বেচৰকাৰী প্ৰতিষ্ঠানটোৱে ইতিমধ্যে উত্তৰ-পূৰ্বাঞ্চলৰ বিভিন্ন জনগোষ্ঠীৰ সাংস্কৃতিক অাৰু সামাজিক প্ৰতিচ্ছবি বিশ্বৰ অাগত দাঙি ধৰিবলৈ সক্ষম হৈছে।
বছৰটোৰ শেষৰ ভাগত ইটানগৰত অনুষ্ঠিত ল'বলগীয়া ফেশ্বন ইভেন্টৰ অতিথিসকলৰ বাবে উপাদানসমূহ প্ৰদৰ্শিত হ’ব অসম সংস্কৰণ ফেশ্বন ইভেন্টত। মঙলবাৰে গুৱাহাটী প্ৰেছ ক্লাৱত এফুৱেন্ট ৰে’ অৱ লাইটে অায়োজন কৰে ২৬ অাগষ্টত প্ৰদৰ্শিত হ'বলগীয়া হস্তশিল্পৰ শিল্পীসকলৰ দ্বাৰা তৈয়াৰী কিছু জনগোষ্ঠীয় সাজ-পোছাক৷