ডিজিটেল ডেস্কঃ এসময়ত লালুপ্ৰসাদ যাদৱৰ দম্ভালি আছিল যে চামোচাত আলু থকালৈ বিহাৰত লালু থাকিব। পিছে কালক্ৰমত চামোচাত আলু থাকিল, বিহাৰত লালু নোহোৱা হৈ গ'ল।
অৱশ্যে সাম্প্ৰতিক খবৰ মৰ্মে বিহাৰৰ মুখ্যমন্ত্ৰী পদৰ পৰা নীতিশ কুমাৰৰ আকস্মিক পদত্যাগত জনতা আচৰিত হ'লেও হতভম্ব হোৱা নাছিল লালু প্ৰসাদ যাদৱ।
চামোচাত আলু থকালৈ বিহাৰত লালু থাকিব বুলি পূৰ্বে দম্ভালি মৰা লালুৱে জানিছিল সম্ভাব্য দুৰ্যোগৰ কথা। মহাগতবন্ধনৰ পতন হব বুলি লালুৱে খবৰ পাইছিল নীতিশৰ পদ্যাগৰ পূৰ্বেই।
বৰ্তমান প্ৰকাশ পোৱা তথ্যমৰ্মে পদত্যাগৰ পূৰ্বে লালুলৈ ফোন লগাইছিল নীতিশ কুমাৰে। টেলিফোনিক আলাপত নীতিশে লালুৰ ওচৰত ক্ষমা প্ৰাৰ্থনা কৰিছিল।
পদত্যাগৰ সিদ্ধান্তৰ বাবে ক্ষমা কৰি দিবলৈ তেওঁ অনুৰোধ জনাইছিল লালুক। বিশ্বস্ত সূত্ৰৰ সম্ভেদ অনুসৰি মুখ্যমন্ত্ৰী হৈ থাকি অস্বস্তিত ভোগা বুলি লালুক জনাইছিল নীতিশে।
এই ফোনকলত হতভম্ব লালুৱে নীতিশক টানি অনুৰোধ জনাইছিল সিদ্ধান্ত পুনৰ বিবেচনা কৰিবলৈ। কিন্তু কোনোপধ্যে সৈমান নহ'ল বিজেপিমুখী নীতিশ।