‘নৰ্থ ইষ্ট ডিভা ২০১৯’ ৰ বিজয়ীয়ে পোনপটীয়াকৈ অংশগ্ৰহণ কৰিব ‘মিছ ডিভা ২০২০’ৰ গ্ৰেণ্ড ফিনালেত

গুৱাহাটীঃ শুকুৰাবৰে গুৱাহাটীৰ ‘ভিভাণ্টা বাই তাজ’ত (Vivanta by Taj) নৰ্থ ইষ্ট ডিভাৰ এক সংবাদ মেল আয়োজন কৰা হয়৷

উক্ত অনুষ্ঠানৰ আয়োজক মণ্ডলীৰ হৈ চৈয়দ জাৰিৰ হুছেইনে সংবাদ মাধ্যমৰ আগত কয় যে উত্তৰ পূৱৰ প্ৰতিভাৱান যুৱতীসকলক মঞ্চ দিয়াৰ বাবে আয়োজন কৰা হৈছে এই প্ৰতিযোগিতা। ইতিপূৰ্বে অনুষ্ঠিত হোৱা নৰ্থ ইষ্ট ডিভা প্ৰতিযোগিতাৰ বিজয়ী প্ৰতিযোগীসকলে ৰাষ্ট্ৰীয় পৰ্য্যায়ত কাম কৰি আছে। এইবাৰৰ প্ৰতিযোগিতাৰ প্ৰথম গৰাকী বিজয়ী প্ৰতিযোগীয়ে ‘মিচ ডিভা ২০২০’ ৰ গ্ৰেণ্ড ফিনালেত পোনপতীয়াকৈ অংশগ্ৰহণ কৰাৰ বাবে সুযোগ লাভ কৰিব৷