অসমৰ কিমান লোকে ব্যৱহাৰ কৰে ইণ্টাৰনেট? বাজেটত কি ক’লে মন্ত্ৰী হিমন্তই?

দিছপুৰঃ অসমত কিমান লোকে ইণ্টাৰনেট ব্যৱহাৰ কৰে? ইণ্টাৰনেটৰ এই যুগত বহুতৰে মনত উদয় হৈ আহিছে এই প্ৰশ্নৰ। ইণ্টাৰনেট ব্যৱহাৰৰ লগতে ফেচবুক, হোৱাটছএপ আদি কিমান লোকে ব্যৱহাৰ কৰে সেয়াও জানিবলৈ আগ্ৰহী অধিকাংশ লোক। অসমত ইণ্টাৰনেট ব্যৱহাৰকাৰীৰ সংখ্যক লৈ ভিন্ন জনে ভিন্ন মত পোষণ কৰি আহিছিল যদিও এইবাৰৰ বাজেটে এক নিৰ্দিষ্ট সংখ্যা ৰাইজৰ আগত তুলি ধৰিছে।

শুকুৰবাৰে বিত্ত মন্ত্ৰী হিমন্ত বিশ্ব শৰ্মাই দাখিল কৰা ২০২০-২১ বৰ্ষৰ বাজেটত পথ পৰিবহণৰ কথা ক’বলৈ গৈ অসমত মোবাইল আৰু ইণ্টাৰনেট ব্যৱহাৰকাৰীৰ সংখ্যা কিমান সেয়া উল্লেখ কৰে। মন্ত্ৰীগৰাকীয়ে বাজেট ভাষণত দাবী কৰে যে পথ যোগাযোগৰ সমানে সমানে অসমত মোবাইল নেটৱৰ্কৰো ব্যাপক উন্নতি সাধন হৈছে।