ডিজিটেল ডেস্কঃ চৰকাৰী চাকৰিত সংৰক্ষণৰ দাবীত ২০১৬ চনত হাৰিয়ানাত জাট সম্প্ৰদায়ে চৰকাৰৰ বিৰুদ্ধে জংগী আন্দোলন কৰাৰ ভয়াবহ স্মৃতি আজিও দেশবাসীয়ে পাহৰিব পৰা নাই৷ আন্দোলনৰ সময়ত হিংসাত কেইবাগৰাকী লোকৰ মৃত্যু হোৱাৰ লগতে বহু ব্যৱসায় প্ৰতিষ্ঠান ভস্মীভূত কৰিছিল আন্দোলনকাৰীয়ে৷
চৰকাৰী কাৰ্যালয়ত আক্ৰমণ কৰাৰ লগতে ৰাজ পথত জ্বলাই দিছিল কেইবাশ গাড়ী৷ ইয়াৰ পিছতেই আন্দোলনকাৰীৰ বিৰুদ্ধে সস্তম হৈ পৰিছিল হাৰিয়ানা আৰক্ষী৷ আৰক্ষীয়ে জাট সম্প্ৰদায়ৰ ৮০০ জন যুৱকৰ বিৰুদ্ধে হিংসাত জৰিত থকাৰ অভিযোগত গোচৰ ৰুজু কৰে৷ ৭০টা গোচৰ উঠাই লৈ যদিও এতিয়াও বহু গোচৰৰ বাবে জাট সম্প্ৰদায়ৰ যুৱকে আদালতত দৌৰি থাকিব লগা হৈছে৷
যাৰ বাবে ক্ষোভিত হৈ পৰিছে জাট সম্প্ৰদায়৷ ইয়াৰ মাজতে বিজেপিৰ অধ্যক্ষ অমিত শ্বাহে ১৫ ফেব্ৰুৱাৰীত হাৰিয়ানাৰ জিন্দত এখন বিশাল সভা আৰু ৰোড-শ্বত অংশ গ্ৰহণ কৰিব৷ অখিল ভাৰতীয় জাট সংৰক্ষণ সংঘৰ্ষ সমিতিৰ অধ্যক্ষ যশপাল মালিকে অমিত শ্বাহৰ সমাৱেশ বন্ধ কৰিবৰ প্ৰায় ৫০,০০০ ট্ৰেক্টৰ একত্ৰিত হ’ব।
যশপাল মালিকে সংবাদ মাধ্যমৰ মুখামুখি হৈ অমিত শ্বাহৰ হেলিকপ্টাৰ জিন্দত অৱতৰণ কৰিব নিদিও বুলি কয়। এই কামৰ বাবে প্ৰায় ৫০,০০০ ট্ৰেক্টৰ জিন্দত একত্ৰিত কৰিম বুলি জানিবলৈ দিয়ে৷ বিজেপি চৰকাৰে জাটক অন্যায় কৰাত বিৰোধ প্ৰদৰ্শন কৰা হ’ব বুলি কৈ মালিকে ১৫ ফেব্ৰুৱাৰীত জাট গাঁও সমূহৰ যুৱকসকলক বিৰোধ প্ৰদৰ্শনত অংশ লবলৈ আহ্বান জনায়।
হাৰিয়ানা চৰকাৰৰ যোজনা সমূহৰ পৰা জাতৰ কোনো লাভালাভ হোৱা নাই বুলিও কয়। কেন্দ্ৰ চৰকাৰে চৰকাৰী চাকৰিত জাটৰ বাবে সংৰক্ষণ আৰু দ্বিতীয়তো চৰকাৰে জাট আন্দোলনৰ সময়ত ৰুজু হোৱা গোচৰ সমূহ উঠাই লব লাগে বুলি কয় যশপাল মালিক। যেতিয়া অমিত শ্বাহৰ সমাৱেশ জাটে বন্ধ কৰাৰ কথা ঘোষণা কৰাৰ পিছতেই ৭০টা গোচৰ উঠাই লয়। অদ্যপিও ৩০০টা গোচৰ চলি আছে। ব্ৰিটিছ ৰূপী দৰে বিজেপিৰ অধ্যক্ষ অমিত শ্বাহৰ হাৰিয়ানাত সমাৱেশ কৰাৰ নৈতিক অধিকাৰ নাই বুলি কয় মালিকে।