তিমিৰ পেটত প্ৰতিফলিত প্লাষ্টিকৰ ভয়াবহতা

জাকাৰ্টাঃ প্লাষ্টিক পৰিৱেশৰ বাবে ভাবুকি স্বৰূপ৷ এই কথা আমি সকলোৱে জানো, কিন্তু হৃদয়ংগম নকৰোঁ৷ শ শ বছৰ পচি নোযোৱা এই প্লাষ্টিক আমি য’তে ত’তে পেলাই দিয়াৰ ফলত বিভিষিকা নামি আহিছে জৈৱ-বৈচিত্ৰলৈ৷ এনে এক ঘটনাই ভবাই তুলিছে পৰিৱেশকৰ্মীসকলক৷

ইন্দোনেছিয়াৰ কাপোটা দ্বীপৰ ৱাকাটোবি নামৰ ৰাষ্ট্ৰীয় উদ্যানত উদ্ধাৰ হৈছে ৯.৫ মিটাৰ দৈৰ্ঘৰ এটা তিমি মাছৰ মৃতদেহ। কিন্তু মাছটোৰ পেটত যি পোৱা গৈছে, সেয়া এতিয়া পৰিৱেশবিদসকলৰ বাবে চিন্তাৰ কাৰণ হৈ পৰিছে৷