48
ডিফুঃ দেশ অথবা ৰাজ্য সৰ্বত্ৰে এতিয়া বলিছে নিৰ্বাচনী প্ৰচাৰ ধুমুহা। শাসক-বিৰোধীৰ নেতা পালিনেতাৰ নিৰ্বাচনী ব্যস্ততাই যেন চৌদিশৰ পৰিৱেশ-বতাহ আদি গৰম কৰি তুলিছে সমগ্ৰ দেশজুৰি। ইপিনে অসমতো সমাগত লোকসভা নিৰ্বাচনক লক্ষ্য কৰি কংগ্ৰেছ-বিজেপিৰ ৰথী-মহাৰথীয়ে ভোট লাভৰ অংকৰে মাকো মাৰিছে এতিয়া ধুবুৰীৰপৰা শদিয়ালৈ বুলিয়েই, দেহত যেন নাই এওঁলোকৰ তৎ, নাই আহৰি, নাই আনকি টুপনিও।
এক কথাত ক’বলৈ গ’লে নিদ্ৰা হৰণ কৰিছে এওঁলোকৰ আসন্ন লোকসভাৰ নিৰ্বাচনী জ্বৰে। অসমৰ ধুবুৰীত যদি আজমল তেন্তে মধ্য অসমত ৰকিবুল হুছেইন, প্ৰদ্যুত বৰদলৈ বিপৰীতে উজনি অসমত মুখ্যমন্ত্ৰী সৰ্বানন্দ সোণোৱাল, ৰাজ্যিক মন্ত্ৰী হিমন্ত বিশ্ব শৰ্মাক সাংসদীয় আসন দখলৰ লক্ষ্যৰে ব্যাপক আয়োজন আৰু তৎপতাৰে নিৰ্বাচনী প্ৰচাৰ চলোৱা পৰিলক্ষিত হৈছে।
