কৰ্ণাটকত মোদীৰ পৰাজয়! ২০২৪-ত হ’বনে বিজেপিৰ বৃহৎ জয়?

ৰাজনৈতিক প্ৰতিবেদনঃ কৰ্ণাটকত কংগ্ৰেছে বিজয় নিচান উৰুওৱাৰ পিছত এতিয়া এই চৰ্চা পুনৰ এবাৰ আৰম্ভ হৈছে অহা বছৰ অনুষ্ঠিত হ’বলগীয়া লোকসভা নিৰ্বাচনত কঠিন হৈ পৰিব নেকি প্ৰধানমন্ত্ৰী নৰেন্দ্ৰ মোদীৰ পথ? প্ৰশ্ন উঠিছে, হ্ৰাস পাইছে নেকি মোদীৰ জনপ্ৰিয়তা? কংগ্ৰেছে এতিয়া বিজেপিক পৰাভূত কৰিব পৰাকৈ শক্তিশালী হৈ পৰিছে নেকি?

বিগত ৯ বছৰে কেন্দ্রত বিজেপিয়ে ক্ষমতা দখল কৰি আছে। একে সময়তে প্রধানমন্ত্রী মোদীয়ে কর্ণাটক বিধানসভা নিৰ্বাচনত বিজেপিক জয়ী কৰাবলৈ চেষ্টাৰ কোনো ক্ৰুটি ৰখা নাছিল। কিন্তু মোডীৰ এই প্ৰচেষ্টাই কৰ্ণাটকত বিজেপিৰ বিজয় ধ্বজা উৰুৱাবলৈ সক্ষম নহ’ল।