117
খেৰণিঃ সমগ্ৰ ৰাজ্যৰ লগতে পাহাৰীয়া জিলা কাৰ্বি আংলঙতো তীব্ৰ গতিত বলিছে নিৰ্বাচনী গৰম বতাহ। অন্যান্য ৰাজনৈতিক দলৰ সমান্তৰালকৈ বিজেপিয়েও জিলাখনৰ বিভিন্ন প্ৰান্তত নেৰানেপেৰাকৈ তীব্রতৰভাৱে চলাইছে নিৰ্বাচনী প্ৰচাৰ অভিযান।
এফালে যদি উন্নয়ন আৰু বিকাশৰ গতি আৰু ধাৰাক লৈ বিজেপিয়ে পৰিৱৰ্তনৰ দাবী তুলিছে, আনফালে আকৌ কংগ্ৰেছে ক্ষুৰধাৰ সমালোচনা কৰি বিজেপি চৰকাৰখনক জগৰীয়া কৰিছে। এনেদৰেই এতিয়া সমগ্ৰ পাহাৰীয়া জিলাখনৰ পাহাৰে-ভৈয়ামে কংগ্ৰেছ-বিজেপিৰ আক্ৰমণ-প্ৰত্যাক্ৰমণেৰে চলিছে নিৰ্বাচনী প্ৰচাৰ অভিযান।
