কাৰ্বি পাহাৰত উলহ-মালহেৰে উদযাপন কাৰ্বি ৰংকেৰ পূজা

খেৰণিঃ সমগ্ৰ কাৰ্বি পাহাৰতে শনিবাৰে উলহ-মালহেৰে উদযাপন হ’ল পৰম্পৰাগত কাৰ্বি ৰংকেৰ পূজা। পশ্চিম কাৰ্বি আংলঙৰ বৃহত্তৰ খেৰণি, ৰিকাং-মিহম, প্ৰিলু, ফেলাংপি, জেংখা, মাইলু, হাৱাইপুৰ, জেৰিকীন্দেঙ, ডংকামোকাম আদি অঞ্চলতো শ শ লোকৰ সমাগমেৰে এই পূজা কাৰ্বি পৰম্পৰাগত ৰীতি-নীতি আৰু বলি-বিধানেৰে সম্পন্ন কৰা পৰিলক্ষিত হয়।

উল্লেখ্য যে কাৰ্বিসকলৰ ৰংকেৰ হৈছে এক কৃষিভিত্তিক সমূহীয়া পূজা৷ কৃষি কাৰ্যত মংগল আৰু লাভজনক কৃষি উৎপাদনৰ কামনা কৰি ঝুম খেতিৰ আগমূহুৰ্তত এই পূজা কৰা হয়।