অৰুণোদয় অসমৰ নিৰ্দেশত তপা অসমে অপহৰণ কৰিছে অৰ্ণৱক

তিনিচুকীয়া/মাৰ্ঘেৰিটা/লিডুঃ আলফাৰ এটা দল দিল্লীত শান্তি আলোচনাত ব্যস্ত হৈ থকাৰ সময়তে অসমত আলফা স্বাধীনে সংঘটিত কৰিছে হত্যাকাণ্ড, অপহৰণ কাণ্ড৷ উজনি অসমত আজিও যেন সক্ৰিয় আলফা স্বাধীন৷ উজনিত অস্ত্ৰ, শস্ত্ৰ সৈতে বহু কেডাৰ আজিও সক্ৰিয় হৈ আছে আলফাত৷ সেনা-আৰক্ষী আৰু অৰ্ধসামৰিক বাহিনীয়ে গিজ গিজাই থকা উজনি অসমত এটাৰ পিছত এটা কাণ্ড সংঘটিত কৰি গৈছে আলফাই৷

তিনিচুকীয়া জিলাৰ বৰডুমছা থানাৰ অন্তৰ্গত সোনজান শিমলুগুৰি গাঁৱত যোৱা ১১ ডিচেম্বৰ নিশা প্ৰায় ৬.৪৫ বজাত আলফাৰ এটি ৩ জনীয়া দলে সামৰিক পোছাকত আহি পিতা পুত্ৰ অন্তেশ্বৰ মহন্ত আৰু কৰুণ মহন্তক গুলীয়াই হত্যা কৰাৰ ঘটনাৰ উত্তজনা অব্যাহত থকাৰ সময়তে এইবাৰ সন্দেহ জনক আলফা স্বাধীনে অপহৰণ কৰে এগৰাকী ব্যৱসায়ীক৷