85
ডিজিটেল ডেস্কঃ ইন্টাৰনেটত সকলোৰে প্ৰিয় অন্যতম ভিডিঅ’ শ্বেয়াৰিং ৱেবচাইট হৈছে ইউটিউব৷ লাখ লাখ লোকে ব্যৱহাৰ কৰা এই ইউটিউবে কাৰোবাক যদি দিছে উপাৰ্জনৰ সন্ধান, কাৰোবাৰ কাৰণে আকৌ হৈ পৰিছে ই মনোৰঞ্জনৰ অন্যতম উপায়। কিন্তু শেহতীয়াকৈ এই ইউটিউবতে ঘটিছে অঘটন। ইউজাৰ্চে আপল’ড কৰা ৮৩ লাখৰো অধিক ভিডিঅ’ কোনেও নজনাকৈ আঁতৰাই পেলোৱা হৈছে চাইটটোৰ পৰা৷
দৰাচলতে কমিউনিটি গাইডলাইন অৰ্থাৎ ইউটিউবৰ নিৰ্দেশনাৱলী উলংঘা কৰা ভিডিঅ’বোৰহে চাইটটোৰ পৰা নাইকিয়া কৰা হৈছে। জানিব পৰা মতে ২০১৭ চনৰ অক্টোবৰৰ পৰা ডিচেম্বৰৰ মাজ মানলৈকে আপল’ড কৰা ভালেমান ভিডিঅ’ ডিলিট কৰি পেলাইছে ইউটিউবে৷
