দীঘলীয়া অপেক্ষাৰ অন্ত! অসীম শূন্যতাত ৯ মাহ যাপনৰ অন্তত অৱশেষত পৃথিৱীত ভৰি দিলে ভাৰতীয় মূলৰ নাছাৰ মহাকাশচাৰী সুনীতা উইলিয়ামছ আৰু তেওঁৰ সংগী বুচ উইলম’ৰে। আমেৰিকান পুঁজিপতি ইলন মাস্কৰ কোম্পানী স্পেচএক্সৰ ড্ৰেগন কেপচুলত উঠি নিৰাপদে পৃথিৱীলৈ উভতি আহিল তেওঁলোক।
যোৱা বছৰৰ জুনত মাত্ৰ আঠটা দিনৰ বাবে মহাকাশলৈ গৈছিল সুনীতা আন্তঃৰাষ্ট্ৰীয় মহাকাশ কেন্দ্ৰত আঠ দিন পাৰ কৰি তেওঁলোক পুনৰ পৃথিৱীলৈ উভতি অহাৰ কথা আছিল যদিও শেষত সেয়া নহ’লগৈ। বয়িঙৰ ষ্টাৰলাইনাৰ কেপচুলত হোৱা কাৰিকৰী বিজুতিৰ বাবে বাৰে বাৰে তেওঁলোকে পৃথিৱী আগমণৰ দিন পিছুৱালৈ বাধ্য হয়। আৰু এনেদৰেই মহাকাশৰ বুকুত দিনে চাৰিবাৰকৈ সূৰ্যোদয়-সূৰ্যাস্ত দেখি তেওঁলোকে পাৰ কৰিবলগীয়া হয় ৯ টা দীঘলীয়া মাহ। অৱশেষত নাছাৰ প্ৰচেষ্টা আৰু ইলন মাস্কৰ কোম্পানী স্পেচএক্সৰ ড্ৰেগন কেপচুলে তেওঁলোকক নিজৰ মাটিলৈ ওভতাই আনে।
