25
ভাৰতত আধাৰ যুক্ত লেনদেন প্ৰক্ৰিয়া (Aadhaar Enabled Payment System), চমুকৈ এইপিএছ ব্যৱহাৰ কৰি প্ৰবঞ্চনা সংঘটিত কৰি অহাৰ দৰে ঘটনা ক্ৰমাৎ বৃদ্ধি পাবলৈ লৈছে। মহানগৰসমূহৰ লগতে মফচলীয় চহৰসমূহতো এনে প্ৰবঞ্চনাৰ চিকাৰ হৈ কষ্টোপাৰ্জিত ধন হেৰুৱাই আহিছে অসংখ্যজনে।
বাংগালুৰুত বিগত কিছুদিনত এইধৰণৰ ১১৬টা নতুন গোচৰ ৰুজু হৈছে। ইয়াৰে অধিকাংশই অন্ধ্ৰপ্ৰদেশৰ কডপ্পা, তেলেংগানাৰ হায়দৰাবাদ, বিহাৰৰ নাবাদা, ৰাজস্থানৰ ভৰতপুৰৰ লগতে হাৰিয়ানা, পশ্চিমবংগ, উত্তৰপ্ৰদেশ আৰু অসমৰ দৰে ৰাজ্যৰ সৰু-বৰ ভিন্ন চহৰৰ সৈতে জড়িত। ইয়াৰ লগতে মহাৰাষ্ট্ৰ, গুজৰাট, ঝাৰখণ্ডটো আধাৰ কাৰ্ডৰ জৰিয়তে ধন সৰকাই অহা দুষ্ট চক্ৰৰ বিৰুদ্ধে গোচৰ ৰুজু হোৱাৰ বাতৰি পোৱা গৈছে।
