66
বিশাখাপট্টনমঃ অন্ধ্ৰপ্ৰদেশৰ ৰাসায়নিক কাৰাখানাৰ পৰা বিষাক্ত গেছ নিৰ্গত হোৱাৰ ফলত মৃত্যু হৈছে এটি শিশুসহ ১১ জনৰ। এই ঘটনাত অসুস্থ হৈ পৰিছে ৮০০০তকৈও অধিক লোক। ঘটনাস্থলীত ইতিমধ্যে উপস্থিত হৈছে অগ্নিনিৰ্বাপক বাহিনী, আৰক্ষী আৰু এম্বুলেন্স।
বিশাখাপট্টনমৰ আৰ আৰ ভেংকটপুৰমৰ এলজি পলিমাৰছ ইণ্ডিয়া প্ৰাইভেট লিমিটেডৰ ৰাসায়নিক প্লেণ্টত গেছ নিৰ্গত হোৱাত অঞ্চলটোৰ বাসিন্দাসকলৰ চকু জ্বলা-পোৰা আৰু শ্বাস-প্ৰশ্বাসৰ সমস্যাই দেখা দিছে বুলি জনাইছে প্ৰশাসনে। অসুস্থ হৈ পৰাৰ লগে লগে লোকসকলক প্ৰেৰণ কৰা হৈছে চিকিৎসালয়লৈ।