নতুন দিল্লীঃ কৰ’না ভাইৰাছে পৃথিৱী কঁপাই থকাৰ সময়তে গাড়ী নিৰ্মাতা কোম্পানী মাৰুটি চুজুকিয়ে ভেণ্টিলেটৰ নিৰ্মাণৰ বাবে আগবাঢ়ি আহিছে। পূৰ্বৰে পৰা ভেন্টিলেটৰ নিৰ্মাণৰ সৈতে জড়িত AgVA Healthcare নামৰ প্ৰতিষ্ঠানৰ সৈতে প্ৰতি মাহে দহ হাজাৰ ভেন্টিলেটৰ প্ৰস্তুত কৰাৰ লক্ষ্যৰে চুক্তিবদ্ধ হয়। মাৰুটি চুজুকিয়ে ভেন্টিলেটৰৰ বাবে কেৱল স্পেয়াৰ পাৰ্টছ যোগান ধৰিব বুলি জানিবলৈ দিয়ে।
আনহাতে AgVA যিহেতু পূৰ্বৰে পৰা এই নিৰ্মাণৰ সৈতে জড়িত গতিকে এই ভেন্টিলেটৰ কৌশল, ইয়াৰ কার্যক্ষমতাৰ সম্পূৰ্ণ দায়িত্বত থাকিব এই কোম্পানীটো। মাৰুটি চুজুকীয়ে কেৱল অধিক উৎপাদনৰ সহায়ক হোৱাকৈ সহযোগিতা আগবঢ়াব। এই উৎপাদনৰ বাবে AgVAই বিচৰাধৰণে সকলো প্ৰকাৰৰ সহায় আগবঢ়োৱা হব বুলি উল্লেখ কৰি মাৰুটিৰ এগৰাকী শীৰ্ষ বিষয়ববীয়াই কয় যে প্ৰতি মাহে ১০ হাজাৰ ভেন্টিলেটৰ উৎপাদনৰ বাবে AgVAক বিনামূলীয়াকৈ সহযোগিতা আগবঢ়াবলৈ তেওঁলোক সাজু।
